miércoles, 25 de abril de 2012 Tags: , , 0 comentarios

Como conseguiu Holanda ser o país máis seguro do mundo para circular en bicicleta



Na Postguerra europea, os Países Baixos experimentaron un enorme crecemento que encheu as súas cidades de automóbiles. Varios factores, como o elevado número de mortes na estrada e a crise do Canal de Suez, levaron a un cambio de enfoque.

As primeiras ciclovías eran escasas, inseguras e mal interconectadas. Mais fíxose un esforzo público por melloralas, e décadas despois presumen dunha infraestrutura perfecta. Os problemas que hoxe poderíamos identificar en centos de casos no noso país, aló souberon resolvelos hai moitos anos.

O máis significativo do vídeo é que mostra como a sociedade holandesa soubo mobilizarse para conseguir espazos seguros para a bicicleta. Os resultados saltan á vista: teñen unha excelente rede de ciclovías que se extende por todo o país e unha das máis importantes culturas da bicicleta.

Na nosa cidade

A Masa Crítica procura calmar o tráfico e ser parte do mesmo, por iso estamos a favor de medidas como o límite a 30 km/h, que aumenta a seguridade e nos anima a usar a calzada como un vehículo máis.

Isto non quere dicir que esteamos contra os carrís-bici, moi ao contrario. Así, no casco urbano, cun tráfico afeito ás bicicletas, moitos achamos que non son necesarios (tense estudado que o risco de montar en bicicleta polas aceras é ata cinco veces maior que circular pola calzada como os automóbiles), pero talvez nas avenidas con tráfico máis denso e en estradas fóra da cidade o carril-bici sexa imprescindible.

O tema, sen dúbida, dá para pensar...


viernes, 20 de abril de 2012 Tags: , 0 comentarios

Suspendida a "I Mostra da Bici Urbana" de Pontevedra.

Nunha reunión celebrada onte no concello (á que asistiron o concelleiro de Accesibilidade Luís Bará, o colectivo Masa Crítica e os responsables das tendas Farto e Moto-Bike), decidiuse pospoñer a "I Mostra da bici urbana" que se ia celebrar este fin de semán en Pontevedra.

Nesta reunión considerouse que as condicións climatolóxicas previstas para o Sábado 21 non eran as idóneas, polo que se acordou pospoñela á semana da mobilidade que terá lugar en Setembro. A idea sería que nesa semán tamén se celebrase na nosa cidade a VI Masa Crítica Galega así como outras actividades relacionadas co mundo da bicicleta, entre as que se englobaría a "I mostra da bici urbana".

Aclarar que o resto de actividades seguen adiante, aquí vos deixamos un pequeno calendario:
  -Domingo 22: Pedalada popular. Sairá ás 11:00 da Avenida de Montero Rios.
  -Martes 24:Conferencia de Alfonso Sanz, "Mobilidade sustentabel", ás 18:00 na Casa das Campás.
  -Xoves 26: Masa Crítica. Ás 21:00 sairemos da praza da Peregrina para dar un paseo polas calzadas da nosa cidade, e nun ambiente distendido reivindicar que "non bloqueamos o tráfico, somos tráfico".
  -Domingo 29 de Abril e 6 e13 de Maio: "Natureza sobre rodas". Roteiros en bicicleta polos entornos rurais e naturais do concello de Pontevedra: Ruta fluvial polo río Lérez, Ruta litoral pola Xunqueira de Alba, Ruta agroforestal por Salcedo. Pto. encontro: Pr. España (Lérez e Alba) e Xunta Campolongo (Salcedo). Inscricións Tlf. 986 100 185 Ext. 7584

Un saúdo a tod@s, e ve´monos o Xoves 26 ás 21:00 na Masa Crítica.

Masa crítica valora positivamente la organización de la primera Mostra da Bici Urbana en Pontevedra


El colectivo por el uso de la bicicleta,  participará en la mostra este fin de semana con un stand el sábado de 11.00 a 14.00 horas donde los ciudadanos podrán informarse sobre el colectivo y unirse a las salidas que él último jueves de cada mes se hace en Pontevedra reivindicando el uso de la bici.

En Masa Crítica Pontevedra “estamos contentos de colaborar en esta iniciativa” que sin duda es un paso más por la concienciación ciudadana de que “no interrumpimos el tráfico, somos el tráfico”, apoyando el modelo de convivencia urbana.

Invitamos a los ciudadanos a visitarnos en el stand así como a participar en la siguiente masa crítica que se pasa ya al horario de verano. Partirá a las 21.00 de la Peregrina el jueves 27 de abril. “Trae tu bici o patín”.

Masa Crítica es una iniciativa mundial que se puso en marcha en Pontevedra a propuesta del colectivo 15M, aunque en la actualidad, funciona de forma independiente y activa en la ciudad. Recientemente se ha puesto en marcha para los ciclistas un mapa de puntos negros que se puede consultar en www.g.co/maps/zmg3p.

Feira da bicicleta, pedalada popular, e reunión da Masa





Aproveitando que o día 19 de Abril se celebra en todo o mundo o día internacional da bicicleta, dende Masa Crítica Pontevedra estamos a coordinar, xunto co concello e Pedaladas, as actividades que terán lugar o Sábado 21 e Domingo 22.

Desta maneira, o Mércores 18 farase a presentación a prensa da primeira mostra da bicicleta que se levará a cabo na nosa cidade (na avenida de Montero Ríos). Nesta feira haberá unha exposición de bicis clásicas e adaptadas (Amarante), e tamén colaborarán as tendas Farto e Moto-Bike, que farán unha exposición de bici urbana, eléctrica e de montaña. Ademáis, haberá talleres explicativos de mecánica básica.

Os colectivos ciclistas Masa Crítica e Pedaladas disporemos dun stand dende o que informaremos á cidadanía das nosas actividades e obxetivos.

Ademáis o Domingo pola mañá terá lugar unha pedalada cun percorrido duns 6km polas rúas da nosa cidade. Seremos máis de mil ciclistas de todas as idades.

Dende Masa Crítica Pontevedra animamos a tódolos cidadáns a sumarse ás actividades e desta maneira implicarse no fomento dun medio de transporte totalmente sostible e con múltipes beneficios na nosa saúde física e mental.

Con motivo destes actos faremos unha reunión o día 17 de Abril ás 21:00 no bar o Baúl da praza da Verdura, calquera persoa que se queira sumar con ideas ou iniciativas será ben recibida.

Por último aclarar que a Masa Crítica de Pontevedra sairá da Praza da Peregrina o día 26 ás 21:00 (novo horario).

Un saúdo a tod@s.

miércoles, 11 de abril de 2012 Tags: , , 0 comentarios

Modelo Antwerpen


Mikael Colville-Andersen, de Copenhagenize.com, achéganos a infraestrutura ciclista de Antwerpen, cidade de Flandres (Bélxica) que conta cunha cota de uso de transportes alternativos do 16%. Segundo nos conta, o espazo reservado a bicicletas vai en aumento.

"É ano de eleccións e o alcalde prometeu 100 km de infraestruturas ciclistas antes de ser elexido. Están a correr para completar as ciclovías antes da nova elección. O cal é bastante brillante."


"Arriba, a ciclovía está rematada antes que a calzada. É moito espazo tirado ao tráfico motorizado e devolto a bicicletas e peóns. Bo xeito de calmar o tráfico e inspirar os cidadáns a escoller outros transportes."

Son algunhas das opinións deste experto en mobilidade dinamarqués.


Mais calquera de nós pode tirar conclusións. O simple feito de que as bicis teñan un espazo reservado nos stops por diante dos vehículos de motor apunta a que hai unha sensibilización especial polos transportes non contaminantes.

"Carril bici" ou "tráfico de coexistencia", solucións compatibles

É preciso encher a cidade de ciclovías ou, polo contrario, animar os ciclousuarios a tomar a calzada? Velaquí un difícil debate. Posiblemente dependa de cada caso. En avenidas con moito tráfico é necesario separar as bicis dos outros vehículos para garantir a seguranza, mais cando o tráfico está calmado, pódese usar a infraestrutura existente, sen necesidade de pintar faixas vermellas.

Fonte: http://www.photocase.es/photo/116304-stock-photo-bicicleta-trafico-senales-marcas-asfalto-raya-signos

Pensemos que Antuerpe é unha grande urbe (ao redor de medio millón de habitantes), aínda maior que Münster, da que falamos anteriormente neste blogue. A nosa vila leva varios anos vivindo un proceso de adaptación do tráfico, é doada de abarcar a pé ou en bici, bastante accesible e cada vez máis segura para circular pola calzada. A vantaxe doutros exemplos europeus cos que estamos afeitos a nos comparar non será tan grande cando comecemos a utilizar a cidade coa cabeza e non tanto co acelerador. ;)

Todas as fotos son de Colville-Andersen, salvo a derradeira.